Thursday, September 8, 2016



                                        பிரிவுத்துயர்

                                   ஒரு நாள் ஒரு பொழுதாயினும்
                                 உனை வந்து  பாராதிருந்தால்
                                   நெடுநாள் பிரிந்திருந்த
                                 பிரிவுத் துயரின் அவசம்.....
                                எங்கெங்கும் என்றென்றும்
                                நீக்கமற நிறைந்திருக்கும்
                               பரம் பொருள் நீயென்று
                                தெரிந்திருந்தும்
                                ஏன் இந்த மௌட்டியம்?
                              தெரிவிக்காமல் ஊர்ந்திறங்கி
                                வந்துவிடும் வைகறையும்
                             சொல்லாமல் கொள்ளாமல்
                              போய்விடும் அந்தியுமாய்
                              காலனின் கால ஏட்டில்
                               மிஞ்சியிருக்கும் ஒருசில தாட்களில்
                                ஒன்று சூன்யமாய் அநியாயமாய்
                                கிழிபட போகிறதே
                               என்ற ஏக்கமா?

                                                            நீல பத்மநாபன்


No comments: